Իրանական Asriran թերթը հաղորդում է, որ իրանցի օրենսդիրները, ինչպես նաև կոշտ գծի մի շարք կողմնակիցներ, դիմել են գերագույն առաջնորդ Մոջթաբա Խամենեիին՝ թույլատրելու մշակել միջմայրցամաքային բալիստիկ հրթիռներ։
Թերթի տվյալներով՝ 85 օրենսդիր ստորագրել է խնդրագիրը՝ թերահավատություն հայտնելով Թեհրանի հետ հակամարտության խաղաղ կարգավորման շուրջ բանակցություններում Վաշինգտոնի զբաղեցրած դիրքորոշման կապակցությամբ:
Ըստ իսրայելական The Jerusalem Post թերթի, խոսքը վերաբերում է Միացյալ Նահանգներ հասնող հրթիռների մշակմանը: Իսրայելական կողմի համոզմամբ՝ Վաշինգտոնի հետ բանակցություններից բխող ցանկացած բարենպաստ տնտեսական պայման կարող է Թեհրանին ապահովել նման զարգացման համար անհրաժեշտ ռեսուրսներով։
