ՄԱԿ-ը սնանկության շեմին է հայտնվել ԱՄՆ-ի և Չինաստանի վճարումների ուշացման պատճառով, որոնք կազմում են բյուջեի եկամուտների 42%-ը: Այս մասին հաղորդել է The Wall Street Journal-ը (WSJ):
Պարբերականի տվյալներով՝ Վաշինգտոնի պարտքը կազմակերպությանը, գերազանցում է 4 մլրդ դոլարըը։ Իսկ Պեկինը, չնայած մայիսի վերջին Չինաստանի ԱԳ նախարար Վան Ին Նյու Յորքում ՄԱԿ-ի կենտրոնակայան կատարած այցի ժամանակ գրեթե 850 մլն դոլար է վճարել, պարտք է 455 մլն դոլար: Միաժամանակ ՉԺՀ-ն խոստանում է կատարել կազմակերպության հանդեպ իր պարտավորությունները՝ իրեն անվանելով «փաստացի գլխավոր ֆինանսական հովանավոր»։
ԱՄՆ-ն իր ապագա ֆինանսական աջակցությունը կապել է ՄԱԿ-ի ծախսերի կրճատման հետ: Վաշինգտոնի պահանջած միջոցառումների թվում են աշխատատեղերի կրճատումը, բիզնես դասով թռիչքների թվի նվազեցումը և ավտոմատ թարգմանության օգտագործումը:
ՄԱԿ-ի մյուս խոշոր դոնորնեըր նույնպես կրճատում են ֆինանսավորումը: Օրինակ՝ ծախսերի խնայողության պատճառով, Միացյալ Թագավորությունը և Գերմանիան կրճատել են իրենց հատկացումները սովի և հիվանդությունների դեմ պայքարի համար մարդասիրական ծրագրերին: Wall Street Journal-ը Շվեդիայի և Նիդերլանդների վճարումների նվազումը վերագրվել է «քաղաքական դաշտում աջակողմյան ուժերի ակտիվացմանը»։
Միջոցների սուր պակասի պայմաններում ՄԱԿ-ը ստիպված է եղել գնալ ծախսերի լայնածավալ կրճատումների։ Մասնավորապես, կազմակերպությունը փակել է որոշ գրասենյակներ և կրճատել քարտուղարությունում ռեկորդային՝ 3 հազար պաշտոն: Բացի այդ, կրճատվել են թարգմանիչների աշխատանքային հերթափոխները, գրասենյակներում անջատվել են շարժասանդուղքները, ինչպես նաև չի իրականացվել Նյու Յորքի գլխավոր գրասենյակի շենքի երեսպատման վերանորոգում:
Այլ միջոցառումներից են Աֆրիկայի հակամարտության գոտիներից զորքերի դուրսբերման արագացումը և խաղաղապահ գործողությունների ծախսերի կտրուկ կրճատումը։
