Ուկրաինայի հարցով եռակողմ բանակցություններում դադար է, հաջորդ փուլերի մասին պայմանավորվածություններ ձեռք չեն բերվել՝ հայտարարել է ՌԴ նախագահի օգնական Յուրի Ուշակովը:
Նա նշել է, որ բանակցությունները «հավանաբար կվերսկսվեն», բայց երբ՝ հայտնի չէ:
«Հասկանալի է, թե յուրաքանչյուր կողմ ինչ պետք է անի բանակցությունների հաջորդ փուլից առաջ, որպեսզի հաջորդ փուլը հաջող լինի»,- ընդգծել Է Ուշակովը։
Ավելի վաղ ՌԴ նախագահի մամուլի քարտուղար Դմիտրի Պեսկովը հայտարարել էր, որ ուկրաինական կարգավորման թեման չափազանց բարդ է, և խաղաղության համաձայնագրի հասնելը երկար ժամանակ կպահանջի:
