Ապրիլի 7-ին՝ Մայրության և գեղեցկության տոնի առթիվ, ՆԳՆ փրկարար ծառայության տնօրեն-ՆԳ նախարարի տեղակալ Արամ Ղազարյանի հրավերով «Առաքելություն Հայաստան» հասարակական-բարեգործական կազմակերպության սոցիալ-վերականգնողական կենտրոնի բնակիչները հատուկ հյուրեր էին Փրկարար ծառայության հոգեբանական աջակցության և բժշկական ապահովման վարչությունում։ Այդ մասին հայտնում են ՆԳՆ ՓԾ-ից:
Հանդիպումն անցել է ջերմ, բովանդակալից ու վստահության մթնոլորտում։ Հյուրերը ներկայացրել են իրենց հուզող հարցերը, որոնց վերաբերյալ ստացել են անհրաժեշտ պարզաբանումներ ու խորհրդատվություն հոգեբաններից, բժիշկներից ու ոլորտի մյուս մասնագետներից։
.jpg)
Շնորհակալություն հայտնելով ցուցաբերված ուշադրության, ջերմ վերաբերմունքի և հոգատարության համար՝ հյուրերը կարևորել են նման նախաձեռնությունների շարունակականությունը։
Հանդիպման ավարտին մասնակիցներին տրամադրվել են տեղեկատվական նյութեր, որոնք նպաստելու են նրանց իրազեկվածության բարձրացմանը և տարբեր իրավիճակներում կողմնորոշվելու կարողությունների զարգացմանը։
