Տարածաշրջանային և միջուկային անվտանգության պաշտպանությունը հրամայական է՝ հայտարարել է Եվրահանձնաժողովի նախագահ Ուրսուլա ֆոն դեր Լայենը:
«Եվրամիությունը հակաիրանական պատժամիջոցներ է կիրառել և աջակցում է միջուկային ու հրթիռային ծրագրերի հարցով դիվանագիտական կարգավորմանը։ Բոլոր կողմերը պետք է զսպվածություն ցուցաբերեն, պաշտպանեն քաղաքացիական բնակչությանը և հարգեն միջազգային իրավունքը»,- նշել է եվրոպացի պաշտոնյան։
Նորվեգիան հայտարարել է, որ Իրանին հարվածները չեն համապատասխանում միջազգային իրավունքին:
Ռուսաստանը պահանջել է անհապաղ վերադարձնել Իրանի շուրջ ստեղծված իրավիճակը քաղաքական-դիվանագիտական կարգավորման հուն:
«Ռուսաստանը պատրաստ է աջակցել խաղաղ հանգուցալուծումների որոնմանը՝ միջազգային իրավունքի, փոխադարձ հարգանքի և շահերի հավասարակշռության հիման վրա»,- հայտարարել են ՌԴ ԱԳՆ-ից:
Սաուդյան Արաբիայի արտաքին գործերի նախարարությունն էլ դատապարտել է Բահրեյնի, Հորդանանի, Արաբական Միացյալ Էմիրությունների և Կատարի ինքնիշխանության խախտումը և նախազգուշացրել դրան լուրջ հետևանքների մասին։
