ԱՄՆ նախագահ Դոնալդ Թրամփը չի բացառել, որ ռազմանավեր կուղարկի Մերձավոր Արևելք մարտական գործողություններին մասնակցելու, եթե Վաշինգտոնի և Իրանի միջև միջուկային համաձայնագրի վերաբերյալ բանակցությունները ձախողվեն:
«Այնտեղ է շարժվում մի նավախումբ, և գուցե ևս մեկը»,- ասել է Թրամփը՝ հավելելով, որ մտածում է Իրանի ուղղությամբ ԱՄՆ ռազմածովային ուժերի երկրորդ հարվածային խումբ ուղարկելու մասին:
ԱՄՆ ղեկավարը միաժամանակ նշել է, որ Միացյալ Նահանգները ձգտում է մոտ ժամանակներս համաձայնության գալ Իրանի հետ:
«Հակառակ դեպքում Սպիտակ տունը ստիպված կլինի դիմել շատ կոշտ միջոցների»,- զգուշացրել է նա: Ընդ որում, Թրամփի խոսքով, Թեհրանն այժմ «ավելի մեծ ճկունություն» է ցուցաբերում, քան 2025 թվականի ամռանը ԱՄՆ-ի, Իսրայելի և Իրանի միջև 12-օրյա ռազմական էսկալացիայի նախօրեին:
Իրանի իշխանությունները կոչ են արել Թրամփին հրաժարվել սպառնալիքներից։
