ԱՄՆ նախագահ Դոնալդ Թրամփը հետ է կանչել Կանադային՝ իր նորաստեղծ Խաղաղության խորհրդին միանալու հրավերը` կապված հյուսիսամերիկյան հարևանների միջև վերջին վեճի հետ` գրել է BBC-ն:
Թրամփը չի բացատրել, թե ինչու է նման որոշում կայացրել, Կանադայի վարչապետ Մարկ Քարնիի գրասենյակն էլ անմիջապես չի պատասխանել: Անցյալ շաբաթ Կանադայի վարչապետը հասկացրել էր, որ սկզբունքորեն կընդունի Թրամփի հրավերը, բայց չի վճարի տնօրենների խորհրդին անդամակցության համար:
Իր հերթին ԵՄ ղեկավար Անտոնիու Կոշտան հայտարարել է, որ եվրոպական առաջնորդները լուրջ կասկածներ ունեն խորհրդի գործունեության մասշտաբների վերաբերյալ, սակայն պատրաստ են Գազայում համագործակցել այդ մարմնի հետ:
Խորհուրդը, որը Թրամփին՝ որպես նախագահի որոշումներ կայացնելու մեծ լիազորություններ է տալիս, Միացյալ Նահանգները ներկայացնում է որպես հակամարտությունների լուծման նոր միջազգային դերակատար։
Սկզբում ենթադրվում էր, որ Խաղաղության խորհուրդը նախատեսված է վերջ դնել Գազայում Իսրայելի և ՀԱՄԱՍ-ի միջև երկամյա պատերազմին և վերահսկել վերականգնումը: Սակայն առաջարկվող կանոնադրությունում չի հիշատակվում Պաղեստինի տարածքը: Թրամփն էլ նախագահելու է ցկյանս, նշում է լրատվական գործակալությունը։
Սպիտակ տան տվյալներով՝ խորհրդին միանալու հրավեր է ստացել մոտ 60 երկիր, և 5-ը արդեն միացել են: Սակայն ՄԱԿ-ի Անվտանգության խորհրդի մյուս մշտական անդամներից ոչ մեկը՝ Չինաստանը, Ֆրանսիան, Ռուսաստանը և Մեծ Բրիտանիան, դեռ չեն հաստատել իրենց մասնակցությունը:
