Վենեսուելայում գործողության ժամանակ ԱՄՆ հատուկջոկատայինների շրջանում զոհեր չկան, սակայն մի քանի զինվորական վիրավորվել է՝ հայտարարել է ԱՄՆ նախագահն ասուլիսի ժամանակ:
Դոնալդ Թրամփը նշել է, որ մեկ շաբաթ առաջ խոսել է Նիկոլաս Մադուրոյի հետ և կոչ արել «նահանջել», բայց վերջինս չի ցանկացել և փորձել է բանակցել ու գործարք կնքել:
«Իսկ ես չէի ուզում բանակցել»,- նշել է Թրամփը:
Անդրադառնալով Վենեսուելայում վերջին ընտրություններին՝ Թրամփը նշել է. «Ինչպես գիտեք, ես չգիտեմ, թե ինչպիսին էին այդ ընտրությունները, բայց Մադուրոյի ընտրությունը խայտառակություն էր, այնպես, ինչպես իմ մասնակցած ընտրությունն էր խայտառակություն։ 2020 թվականը խայտառակություն էր։ 2024 թվականի ընտրությունները չափազանց մասշտաբային էին կեղծելու համար»,- նշել է ԱՄՆ նախագահը:
Նա նաև նշել է, որ Մադուրոն շատ քիչ կողմնակիցներ ունի. եթե նրանք հավատարիմ մնան, ապագան նրանց համար իսկապես վատ կլինի՝ ասել է Թրամփը:
