Համայնքային ոստիկանության Կոտայքի բաժնի և Ոստիկանության գվարդիայի ծառայողները հանցագործության կանխման, նախականխման և հայտնաբերման նպատակով դեկտեմբերի 8-ին Աբովյան քաղաքում համատեղ ուժեղացված ծառայություն իրականացնելիս, Հատիսի փողոցում ստուգման նպատակով մոտեցել են մի քաղաքացու, որի վերարկուի գրպանում ակնհայտ երևացել է զենքի նմանվող առարկա: Նա հիմնավոր կասկածի առկայության հիմքով ձերբակալվել և տեղափոխվել է Կոտայքի բաժին:
Անձնական խուզարկությամբ Բյուրեղավանի բնակիչ 24-ամյա երիտասարդի մոտ հայտնաբերվել են 7 փամփուշտով լիցքավորված ատրճանակ և 93 փամփուշտ:
Կազմված փաստաթղթերն ուղարկվել են նախաքննական մարմին:
