Սեն Պիեռ դ՛Օլերոն քաղաքում ձերբակալվել է մի տղամարդ՝ իր մեքենայով մարդկանց դիտավորյալ վրաերթի ենթարկելու համար։ Լա Ռոշելի դատախազ Առնո Լարեզը հայտնել է, որ վիրավորվել է 10 մարդ, որոնցից 4-ը գտնվում են ծանր վիճակում։ Սկսվել է նախաաքննություն։
Դատախազության տվյալով՝ կասկածյալը 35 տարեկան է, ապրում է Սեն Պիեռ դ՛Օլերոնից 4 կիլոմետր հեռու գտնվող փոքրիկ ձկնորսական գյուղում։ Ոստիկանությանը նա հայտնի է ընդհանուր քրեական իրավախախտումներով, ներառյալ՝ էքսցենտրիկ վարքագիծը, ինչպես նաև թմրամիջոցների և ալկոհոլի օգտագործումը:
Դատախազի խոսքով՝ ձերբակալության ժամանակ տղամարդը բացականչել է՝ Ալլահ աքբար։ Նա նաև փորձել է հրկիզել իր մեքենան, որի մեջ գազի բալոններ են եղել։ Ըստ որոշ տեղեկությունների՝ տղամարդու անունը չի եղել արմատական տրամադրված անձանց քարտադարանում։
Ներկայումս հարձակվողը գտնվում է կալանքի տակ ՝ «սպանության փորձ կատարելու» մեղադրանքով։
