Գերմանիայի կանցլեր Ֆրիդրիխ Մերցը հայտարարել է, որ Սիրիայում քաղաքացիական պատերազմի ավարտից հետո սիրիացի փախստականները պետք է վերադառնան իրենց հայրենիք: «Նրանց այստեղ մնալու ոչ մի հիմք չկա»,- ասել է նա և հավելել. «Ես նախագահ Ահմեդ ալ-Շարաային հրավիրել եմ Գերմանիա՝ քննարկելու, թե ինչպես լուծել խնդիրը: Երկրի վերականգնման համար կպահանջվեն բոլոր սիրիացիների ջանքերը»:
Գերմանիայի կանցլերը նաև զգուշացրել է, որ նրանք, ովքեր կհրաժարվեն կամավոր վերադառնալ, կարտաքսվեն։
Գերմանիայում ապրում է մոտ մեկ միլիոն սիրիացի փախստական: Միգրանտների նկատմամբ վերաբերմունքը Գերմանիայում ամենահրատապ քաղաքական հարցերից մեկն է: Մերցի կուսակցությունն ավելի ու ավելի կոշտ դիրքորոշում է որդեգրում: Մոտ երկու շաբաթ առաջ կանցլերը հայտարարել էր ներգաղթյալների զանգվածային արտաքսման անհրաժեշտության մասին:
