Հոկտեմբերի 5-14-ը Վրաստանի Բաթում քաղաքում կանցկացվի 2025 թվականի շախմատի Եվրոպայի թիմային առաջնությունը: Այս մասին հայտնում է Հայաստանի շախմատի ֆեդերացիան:
Հայաստանի տղամարդկանց հավաքականի կազմում հանդես կգան Շանթ Սարգսյանը, Ռոբերտ Հովհաննիսյանը, Հայկ Մարտիրոսյանը, Գաբրիել Սարգսյանը և Արամ Հակոբյանը:
Հավաքականի մարզիչն է Արման Փաշիկյանը:
Կանանց հավաքականի կազմում հանդես կգան Մարիամ Մկրտչյանը, Լիլիթ Մկրտչյանը, Մարիա Գևորգյանը, Էլինա Դանիելյանը և Սուսաննա Գաբոյանը:
Հավաքականի մարզիչն է Զավեն Անդրիասյանը:
Մեկնարկային աղյուսակում Հայաստանի տղամարդկանց հավաքականը 40 թիմերի մեջ վարկանիշով 6-րդն է, իսկ կանանց հավաքականը 36 թիմերի մեջ՝ 8-րդը։
Մասնակից թիմերի ամբողջական ցանկին կարող եք ծանոթանալ այստեղ:
Առաջին խաղափուլը կմեկնարկի հոկտեմբերի 5-ին՝ Հայաստանի ժամանակով 15:00-ին։
