ՀՀ ՏԿԵ նախարարի տեղակալ Վարդան Կոստանյանն ընդունել է Ասիական զարգացման բանկի պատվիրակությանը (ԱԶԲ/ADB)։
Նախարարի տեղակալը ողջունել է հյուրերին՝ բարձր գնահատելով ԱԶԲ-ի հետ ունեցած համագործակցությունն ու բանկի աջակցությամբ ՀՀ-ում իրականացվող ծրագրերը։
Նախարարի տեղակալը խոսել է ռազմավարական նշանակություն ունեցող մի շարք ծրագրերի մասին, ներկայացրել է կառավարության առաջնահերթությունները, անդրադարձել է համայքների զարգացմանը միտված բարեփոխումներին, որոնք նպատակ ունեն բարձրացնելու համայնքների դիմադրողականությունը։
Հանդիպման ընթացքում կողմերը քննարկել են համատեղ իրականացվող այլ ծրագրեր ևս։
