2024 թվականի հարկային տարվա եկամուտների հայտարարագրումը պետք է իրականացնել մինչև 2025 թվականի նոյեմբերի 1-ը։ Հայտարարագրման գործընթացի վերաբերյալ Պետական եկամուտների կոմիտեն, տարբեր ձևաչափերի կիրառմամբ, շարունակում է իրազեկման աշխատանքները՝ ֆիզիկական անձանց հետ ուղղակի հանդիպումներից մինչև անհրաժեշտ տեղեկատվության տարածում լրատվական տարբեր ձևաչափերով։
Ստորև ներկայացնում ենք ֆիզիկական անձանց եկամուտների հայտարարագրման վերաբերյալ ամփոփ ուղեցույց՝ համապատասխան ենթաբաժիններով։
Այո´, պետք է ներկայացնել եկամուտների հայտարարագիր, եթե դուք ՀՀ ռեզիդենտ ՀՀ քաղաքացի եք և․․․
-
2024 թ. եղել եք վարձու աշխատող,
-
2024 թ. քաղիրավական պայմանագրով ստացել եք հարկվող եկամուտ,
-
2024 թ. ներկայացրել եք հայտարարագիր, ապա 2025-ին ևս պետք է ներկայացնեք,
-
2024 թ. դեկտեմբերի 31-ի դրությամբ զբաղեցրել եք պետական /համայնքային ծառայության և (կամ) հանրային պաշտոն,
-
2024 թ. դեկտեմբերի 31-ի դրությամբ հանդիսացել եք 2023թ.-ի արդյունքներով 1 մլրդ դրամ և ավելի համախառն եկամուտ հայտարարագրած ՀՀ ռեզիդենտ առևտրային կազմակերպության մասնակից՝ բաժնետեր, փայատեր կամ անդամ,
-
2024 թ. ընթացքում «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքով համարվել եք իրական շահառու,
-
2024 թ. ընթացքում ստացել եք 20 մլն. դրամ կամ ավելի փոխառություն,
-
Բնակվում եք ՀՀ-ում, բայց աշխատում եք արտերկրում գտնվող ընկերությունում,
-
2024 թ. աշխատել եք թեկուզ մեկ ամիս,
-
Գտնվում եք երեխայի խնամքի արձակուրդում,
-
2024 թվականին աշխատել եք և 2025 թվականին գտնվում եք արտերկրում (2024 թվականին հանդիսացել եք ՀՀ ռեզիդենտ ՀՀ քաղաքացի),
-
Աշխատում և բնակվում եք արտերկրում:
Ո´չ, պետք չէ ներկայացնել եկամուտների հայտարարագիր, եթե․․․
-
Չունեք ՀՀ քաղաքացիություն կամ ունեք միայն ՀՀ կացության կարգավիճակ,
-
ՀՀ քաղաքացի եք, բայց ՀՀ ռեզիդենտ չեք,
-
Անչափահաս եք,
-
Բանկային հաշվին ստացել եք փոխանցումներ, այդ թվում՝ արտերկրից և մյուս հիմքերով հայտարարատու չեք,
-
2024 թվականին ստացել եք կրթաթոշակ կամ դրամաշնորհ և մյուս հիմքերով հայտարարատու չեք,
-
2024 թվականին ստացել եք 20 մլն դրամ և ավելի վարկ և մյուս հիմքերով հայտարարատու չեք,
-
ԼՂ-ից բռնի տեղահանված անձ եք և ՀՀ քաղաքացի չեք,
-
2024 թվականին անշարժ գույքի վաճառքից կամ վարձակալությունից ստացել եք եկամուտ և մյուս հիմքերով հայտարարատու չեք,
-
Միայն կենսաթոշակառու եք և մյուս հիմքերով հայտարարատու չեք,
-
Հաշվառված եք որպես անհատ ձեռնարկատեր և մյուս հիմքերով հայտարարատու չեք։
Եկամուտներ, որոնք ԵՆԹԱԿԱ´ են հայտարարագրման
-
Աշխատավարձ,
-
Աշխատանքների կատարման, ծառայությունների մատուցման դիմաց ստացված (այդ թվում՝ արտասահմանից) եկամուտներ,
-
Անշարժ գույքի վարձակալությունից ստացված եկամուտներ,
-
Անշարժ գույքի վաճառքից ստացված եկամուտներ,
-
Բանկային ավանդներից, պարտատոմսերից և բաժնետոմսերից ստացված եկամուտներ,
-
Շահումները (խաղատների, տոտալիզատորների, վիճակախաղերի շահումները),
-
Վարկեր,
-
Բոլոր տեսակի նպաստները, ինչպես նաև ալիմենտները,
-
Կենսաթոշակներ, հաշմանդամության կամ զինվորական թոշակներ, կրթաթոշակներ և այլն։
Եկամուտներ, որոնք ԵՆԹԱԿԱ ՉԵ´Ն հայտարարագրման
-
Սեփական հաշիվների միջև փոխանցված գումարներ,
-
Համավարկառուի կողմից վարկի վերաբերյալ տվյալներ,
-
Վճարային տերմինալից կամ բանկում ձեր կողմից ձեր հաշվին մուտքագրված գումարներ,
-
Վերադարձված պարտքի գումար,
-
Տարբեր տարիներին կուտակված խնայողություններ,
-
Անշարժ ու շարժական գույք,
-
ԱՁ-ի եկամուտներ։
Միանվագ ստացված մինչև 300 000 դրամ եկամուտ, որը ենթակա չէ հայտարարագրման
-
Նվիրատվությամբ ստացած գույք կամ դրամական միջոցներ (այդ թվում՝ արտերկրից ուղարկված), եթե միանվագ ստացված գումարը 300 000 դրամից պակաս է,
-
Ժառանգությամբ ստացված գույք, եթե միանվագ ստացված գումարը (այսինքն՝ գույքի արժեքը) 300 000 դրամից պակաս է,
-
Ստացված փոխառության գումարները, եթե միանվագ ստացված գումարը պակաս է 300 000 դրամից,
-
Գույքի օտարումից ստացված չհարկվող եկամուտները, եթե այդ գումարը պակաս է 300 000 դրամից,
-
Անհատույց ստացված չհարկվող եկամուտները, եթե միանվագ ստացված գումարը 300 000 դրամից պակաս է:
Ի գիտություն
-
Վերոթվարկյալ բոլոր դեպքերում, եթե մեկ գործարքի շեմը կազմում է 300 000 դրամ կամ ավելի, ապա այդ եկամուտները հայտարարագրվում են։
-
300 000 դրամի շեմը վերաբերում է մեկ գործարքին, այլ ոչ թե օրվա, ամսվա կամ տարվա ընթացքում կատարված գործարքների հանրագումարին։
Օգտակար հղումներ՝
Եկամուտների հայտարարագրման վերջնաժամկետը սահմանվել է մինչև նոյեմբերի 1-ը
Հաճախ տրվող հարցեր հայտարարագրման վերաբերյալ | Մաս 1
Հաճախ տրվող հարցեր հայտարարագրման վերաբերյալ | Մաս 2
Հաճախ տրվող հարցեր հայտարարարագրման վերաբերյալ | Մաս 3
Ամփոփ ուղեցույցն՝ այստեղ։
