Ուկրաինան հայտարարել է, որ պատրաստ է մասնակցելու Ռուսաստանի հետ հաջորդ շաբաթ Ստամբուլում կայանալիք հետագա բանակցություններին, սակայն կրկին պահանջել է, որ Մոսկվան տրամադրի խաղաղության պայմանները սահմանող փաստաթուղթ՝ հայտնել է sun.mv-ն։ Կիևը տեղեկացրել է, որ արդեն ներկայացրել է իր սեփական խաղաղության շրջանակը և ակնկալում է, որ Մոսկվան նույնպես դա կանի, գրում է պարբերականը։
Ուկրաինան պնդել է, որ հանդիպումն անիմաստ կլինի, եթե նախապես չստանա հուշագրի պատճենը։ «Ռուսաստանն անում է ամեն ինչ, որպեսզի հանդիպումներն ապարդյուն անցնեն»,- ասել է Ուկրաինայի նախագահ Վոլոդիմիր Զելենսկին։ «Եվ սա ևս մեկ պատճառ է, թե ինչու պետք է լինեն բավարար պատժամիջոցներ, բավարար ճնշում Ռուսաստանի վրա»։
Ուկրաինայի ԱԳՆ պաշտոնական ներկայացուցիչ Գեորգի Տիխին ենթադրել է, որ իր փաստաթուղթը նախապես ցույց տալու Մոսկվայի մերժումը «հուշում է, որ այն, ամենայն հավանականությամբ, լցված է անիրատեսական վերջնագրերով»:
