Ես հաստատում եմ այն փաստը, որ ԵՄ-ն և ՆԱՏՕ-ն մեր կենսատարածքն են, բայց մեզ համար շատ կարևոր է շահեկան երկկողմ հարաբերություններ զարգացնելը: Այդ մասին ՀՀ վարչապետ Նիկոլ Փաշինյանի հետ համատեղ ասուլիսի ժամանակ ասաց Սլովակիայի վարչապետ Ռոբերտ Ֆիցոն:
«Շատ ուրախ էի Ձեզնից անմիջականորեն լսելու Ձեր երկրի և Ադրբեջանի միջև խաղաղության բանակցությունների կարգավիճակի վերաբերյալ Ձեր գնահատականը: Այդ տեղեկությունը շատ արժեքավոր է ինձ համար, և ես ուրախ կլինեմ այդ տեղեկությունը փոխանցել ԵՄ-ում իմ գործընկերներին»,- ասաց նա:
