Լատվիայի և Լիտվայի իշխանությունները հրաժարվել են թույլ տալ Սերբիայի նախագահ Ալեքսանդր Վուչիչի ինքնաթիռին Մոսկվա թռչել իրենց օդային տարածքով՝ մայիսի 9-ի հանդիսավոր միջոցառումներին մասնակցելու համար: Այս մասին հայտնում է սերբական Kurir պարբերականը։
Լատվիայի իշխանությունները արգելքը բացատրել են «թռիչքի նպատակի քաղաքական զգայունությամբ»։ Լիտվան էլ ներկայացրել է «տեխնիկական և դիվանագիտական զգայունության» պատճառը։ Ըստ Kurir-ի, Սլովակիայի վարչապետ Ռոբերտ Ֆիցոյին նույնպես արգելվել է թռչել Լեհաստանի և Լիտվայի օդային տարածքներով։ Այս երկրների իշխանությունները դեռևս չեն մեկնաբանել հաղորդագրությունները։
