Ստամբուլում հերթական երկրաշարժն է գրանցվել։ Նախնական տվյալներով՝ երկրաշարժը եղել է 4․3 մագնիտուդով։ Ցնցումները տեղի են ունեցել Մարմարա ծովի ափերի մոտ։ Երկրաշարժի օջախը եղել է 7 կմ խորությամբ։ Զոհերի ու ավերածությունների մասին տեղեկություն դեռ չկա։
Սա այս շաբաթվա ընթացքում երկրորդ երկրաշարժն է․ նախորդ երկրաշարժի հետևանքով ավելի քան 150 քաղաքացի է տուժել։ Այդ երկրաշարժի էպիկենտրոնը ևս Մարմարա ծովում է եղել, իսկ մագնիտուդը կազմել է 6․5։
