Սարկիս Հովագիմյան («Կարո Հովագիմյան» հիմնադրամի հիմնադիր տնօրեն, Կարոյի հայրը) - Սա Կարոյիս անուն ազգանունն ա հենց իր ձեռագրով, մենք տեղավորել են դեղին սկավառակի մեջ՝ որպես արև ու դարձրել տարբերանշան, Եղիցի հույսն էլ կարգախոսն է, որ լինի հույս:
Հույսը, որպես հիմնադրամ վերածնվեց սեպտեմբերի 9-ին, 44-օրյա պատերազմում զոհված որդու ծննդյան օրը:
Սարկիս Հովագիմյան - Մենք էդ փողը ինչքան որ պետական և ոչ պետական կառույցներից գումարներ է հատկացվել, ուղղել ենք բարեգործության, նամանավանդ երեխաների
Հովագիմյանների ընտանիքը Սիրիայից Հայաստան տեղափոխվել է 19 տարի առաջ, այստեղ բացել են ատամնատեխնիկական կլինիկա, տուն-տեղ դրել, մեծացրել ընտանիքը:
Սարկիս Հովագիմյան - Ես որ նոր եկել էի առաջինը ման եմ եկել աշխատանքի և գումար հայթայթելու միջոցներ, քանի որ մարդը պետք է արժանապատւվ ապրի
Առաջնեկը՝ Կարոն շարունակելով տան ավանդույթը՝ ընտրեց ատամնաբուժությունը: Բժշկական համալսարանի առաջին կուրսի ուսանող էր, երբ զորակոչվեց բանակ՝ Ջրական՝ որպես ռազմական բուժակ:
Սարկիս Հովագիմյան - 1 տարի 10 ամիս ծառայելուց հետո սկսվեց պատերազմը
Թե պատերազմի օրերին ինչպես է փրկել կյանքեր, ընտանիքը պատերազմից հետո է իմացել՝ ընկերներից: Որդուց վերջին զանգը հոկտեմբերի 8-ին են ստացել՝ Հադրութում էր, տղայի մասին վերջին լուրը՝ ստացան 2, 5 ամիս հետո՝ դեկտեմբերի 19-ին:
Սարկիս Հովագիմյան - Տղան, որ 18 տարեկան բանակ է զորակոչվել, չի հասցրել բան անել իր կյանքում, եվ որպես բժշկի գործ և որ իրկյանքում չէր հասցրել բան իրականացրել, որոշեցինք ստեղծել հուշարձան, ոչ թե քարից, այլ բարոյական հուշարձան, որ օգուտ կբերի
Արդեն 8 ամիս գործող բարեգործական հիմնադրամի ուշադրության կենտրոնում հատկապես երեխաներն են:
Ռաֆֆի Ձանեցյան (Հոգաբարձուների խորհրդի անդամ) - լսողական սարքեր տրամադրել ենք, հատկապես երեխաներին, մեր միջոցով մասնագետների խորհրդատվություն ենք կազմակրեպել, սայլակների, դեղորայքի տրամադրում
Ռաֆֆի Ձանեցյանը ևս Հայաստան է եկել Սիրիայից, 31 տարի առաջ: Մանկության ընկերները հիմա նաև գաղափարակից ընկերներ են: Փորձում են հիմնադրամին աջակցել, որ հիմնադրամն էլ աջակցի ուրիշներին: Ողնաշարային խնդիրներով երեխաների համար Հիմնադրամ դիմողների մեծ թիվը նոր ծրագրի մեկնարկ է տվել՝ Ուղղիր մեջքդ: Շուշանիկը առաջին վիրահատվողն էր
Օրեր առաջ վիրահատվել է նաև Աստղիկ Գալոյանի 15 տարեկան դուստրը: Տևական ժամանակ այս օրվան են սպասել:
Աստղիկ Գարոյան - Վիրահատեցինք 2 շաբաթ առաջ այժմ շատ լավ է իրեն զգում, արդեն տանն է:
Իսկ դեղորայքային աջակցությունը մինչև 18 տարեկան երեխաների համար է ու ոչ մեկ անգամյա: Արմինե Խաչատրյանը ավագ որդու դեղերի հերթական չափաբաժինը ստանալու համար է եկել հիմնադրամ:
Արմինե Խաչատրյան - 4, էս էլ 5-րդ ամիսն ա, ամեն ամիս գալիս ստանում եմ:
Քանի որ հնարավորությունները սահմանափակ են, իսկ կարիք ունեցողների թիվը շատ, ընկեր- ծանոթներից բացի այլ քաղաքացիների էլ են դիմում:
Հակոբ Մագդիս («Կարո Հովագիմյան» հիմնադրամի գործադիր տնօրեն) - ՍՄՍ ուղարկելով 7733 համարին հույս նշելով արդեն կաջակցեն քաղաքացիները եր ծխրագրերին 500 դրամ նվիրբերելով:
Հիմնադրամում վստահ են՝ կրթությամբ ևս պետք է առողջացնել միջավայրը: կրթության առանձնահատուկ պայմանների կարիք ունեցող երեխաների համար հիմնադրամի թիմը որոշել է մարզերում կառուցել ռեսուրս - կենտրոններ, որոնք կապահովեն որակյալ կրթություն հատուկ խնամքի կարիք ունեցող երեխաների համար։Առաջին կանգառը Կոտայքի մարզի Չարենցավան քաղաքն է։
Հակոբ Մագդիս - Այդ լսարանները պատրաստ լինի գույներով խնդիրներին համապատասխան և գույքով: մինչև սեպտեմբեր կունենանք առաջին փորձը
Սեպտեմբերի 9-ին, Կարոյի 22-ամյակի նվերը 1 տարեկան դարձած հիմնադրամի արած աշխատանքը կլինի՝ վստահ են հիմնադրամում:
Սարկիս Հովագիմյան - Ստեղ ա իմ տեղը, առավել ևս հիմա, ես չէի եկել, որ գնայի, ես ունեի հնարավոորւթյուն ուրիշ տեղեր մնալու, բայց չեմ ուզել, ես գաղթականի պիտակից ազատվելու համար էի եկել,
Ռաֆֆի Ձանեցյան - Առաջինը պետք է շատ սիրել, երկրորդը՝ տեր կանգնել, ուրիշ ճանապարհ չկա:
Հեղինակ՝ Իրինա Մկրտչյան
