Ծավալուն շինարարությունը չպետք է անհարմարություն պատճառի քաղաքի բնակիչներին: Աշխատանքային հերթական խորհրդակցության ժամանակ քաղաքապետ Հրաչյա Սարգսյանն իր դժգոհությունն է հայտնել շինհրապարակների ոչ պատշաճ կազմակերպման վերաբերյալ: Հանձնարարվել է ստուգայցերի միջոցով մշտական հսկողություն իրականացնել և հետևել, որպեսզի շինհրապարակները պահպանեն կազմակերպման և սանիտարական նորմերի ապահովման պարտադիր պայմանները:
Զեկուցվել է նաև, որ Երևանի կոշտ թափոնների կառավարման ծրագրի շրջանակում ընթացքի մեջ է Նուբարաշենի և Աջափնյակի աղբավայրերի փակման և Նուբարաշենում նոր աղբավայրի կառուցման մրցույթի երկրորդ փուլը:
