ԱՄՆ Սենատն ընդունել է ազգային պաշտպանությանը վերաբերող բանաձև, որը թույլ է տալիս CAATSA տեսակի պատժամիջոցներ կիրառել Թուրքիայի նկատմամբ՝ ռուսական S-400 զենիթահրթիռային համակարգեր ձեռք բերելու պատճառով: Այս մասին տեղեկացնում է Axios-ը:
ԱՄՆ օրենսդիր մարմինն ընդունել է փաստաթուղթը, թեպետ ԱՄՆ նախագահ Դոնալդ Թրամփը հայտնել էր բանաձևի վրա վետո դնելու մասին:
CAATSA տեսակի պատժամիջոցները ենթադրում են Իրանի, Հյուսիսային Կորեայի և Ռուսաստանի քաղաքացիների ու նրանց պատկանող ընկերությունների, նրանց հետ համագործակցող այլ անձանց, կազմակերպությունների և երկրների նկատմամբ սահմանափակումներ: