Նորվեգիայի 89-ամյա թագավոր Հարալդը ծայրահեղ ծանր վիճակում է. նրա առողջական վիճակը վատացել է հիվանդանոցում արյան հիվանդության բուժման ընթացքում՝ հայտնել է թագավորական պալատը։ Նշվում է, որ միապետը օգոստոսի 17-ից Օսլոյի հիվանդանոցում է:
Թագուհի Սոնյան և թագաժառանգ Հոկոնը, որն այժմ ռեգենտն (խմբ. - գահապահ) է, չեղյալ են հայտարարել բոլոր պաշտոնական միջոցառումները, իսկ նորվեգական լրատվամիջոցները հայտնում են, որ թագավորական ընտանիքի անդամները շարունակ միապետի մահճակալի մոտ են:
Հարալդը, որը կառավարում է 1991 թվականից, ավելի վաղ կրճատել է իր իրավազորությունների ծավալը, սակայն բազմիցս մերժել է գահից հրաժարումը՝ հայտարարելով, որ Նորվեգիայի խորհրդարանի առջև իր տված երդումը ցմահ է:
