Իսրայելի պաշտպանության բանակը մի շարք հարվածներ է հասցրել Լիբանանի հարավում՝ Նաբաթիայի շրջանում գտնվող «Հըզբոլլահի» օբյեկտներին՝ հայտնել է ՑԱՀԱԼ-ի մամուլի ծառայությունը:
Իսրայելցի զինվորականների տվյալներով՝ հարվածները պատասխան են նախօրեին երեկոյան իսրայելցի զինծառայողների վրա «Հըզբոլլահի» անօդաչու թռչող սարքերի հարձակմանը:
Իսրայելի բանակից հայտարարել են, որ խոցված թիրախների թվում են եղել այն օբյեկտները, որոնք օգտագործվել են զենք պահելու համար, որը «Հըզբոլլահը» մտադիր էր կիրառել իսրայելցի զինվորականների և քաղաքացիական անձանց վրա հարձակվելու համար:
Լիբանանյան կողմի տվյալներով՝ իսրայելական հարվածի հետևանքով կին է զոհվել։
