Չինաստանում կորոնավիրուսով վարակվածների մեծ մասը՝ 94 տոկոսը, ամբողջովին ապաքինվել է: Այս մասին գրում է Lenta.ru կայքը՝ հղում կատարելով երկրի առողջապահության հարցերի պետական հանձնաժողովի տվյալներին:
Ներկայում մնացել է 1562 վարակակիր, ինչը կազմում է երկրում վարակվածների 2 տոկոսը, ընդ որում, նրանց թիվն օրեցօր է կրճատվում:
Վերջին տվյալների համաձայն՝ Չինաստանում կորոնավիրուսով վարակվել էր 81.639 մարդ, որոնցից 76.751-ն ապաքինվել ու դուրս են գրվել հիվանդանոցից: Վարակի զոհ է դարձել 3326 մարդ: Վերջին մեկ օրվա ընթացքում մահացել է 4 մարդ: