Իրանն ուկրաինական կործանված օդանավի սև արկղերը կփոխանցի Ֆրանսիային: Պաշտոնական Թեհրանի որոշումը պայմանավորված էր նրանով, որ Իրանը համապատասխան սարքավորումներ չունի կործանված օդանավի ինքնագրիչները վերծանելու համար: Ի դեպ, իրանցի փորձագետները չեն կարողացել վերծանել ինքնագրիչների ձայնագրությունը: Իրանական կողմն օգտագործել է իր բոլոր հնարավորությունները՝ սև արկղերի տեղեկությունն ուսումնասիրելու համար, սակայն ապարդյուն, քանի որ երկրում չկա անհրաժեշտ տեխնոլոգիան: Պարունակությունը չվնասելու նպատակով որոշում է կայացվել արկղերը փոխանցել ֆրանսիացի փորձագետներին:
