Քաշմիրը կորցրել է հատուկ կարգավիճակն ու կիսվել երկու մասի

Հնդկաստանի իշխանությունները պաշտոնապես կասեցրել են երկրի սահմանադրությամբ Քաշմիրին տրված ինքնավարության կարգավիճակն ու նահանգը բաժանել երկու դաշնային տարածքների:

Պաշտոնական Դելին այս որոշումը կայացրել էր օգոստոսին, բայց այն իրավական ուժ է ստացել այսօր:

Տասնամյակներ շարունակ՝ Քաշմիրի նահանգը կռվախնձոր է Հնդկաստանի ու Պակիստանի միջև: Պաշտոնական Իսլամաբադը խստորեն դատապարտել է Հնդկաստանի իշխանության քայլը: