Նյու Յորքում ավտոմեքենան վրաերթի է ենթարկել անցորդներին, ինչի հետևանքով 10 մարդ է տուժել:
Նյու Յորքում ավտոմեքենան վրաերթի է ենթարկել անցորդներին, ինչի հետևանքով 10 մարդ է տուժել: Ինչպես տեղեկացնում է New York Daily News-ը, պատահարը տեղի է ունեցել Մանհեթենի խաչմերուկներից մեկում: Անհայտ անձը ճանապարհից դուրս է եկել և ընթացել հավաքված մարդկանց ուղղությամբ: Տուժածներից մեկը տեղափոխվել է հիվանդանոց, մյուսներին բժիշկները տեղում են օգնություն ցույց տվել: Դեպքի մանրամասները պարզվում են: Դեռևս չի նշվում՝ իրավապահներն այն ճանապարհատրանսպորտային պատահար են որակել, թե ահաբեկչություն:
