Հութիների կողմից Կարմիր ծովում նավերի վրա հարձակումների համար ԱՄՆ նախագահ Դոնալդ Թրամփը սպառնացել է հզոր հարվածներ հասցնել Իրանին, քանի որ Թեհրանն աջակցում է նրանց:
Նա հիշեցրել է, որ 2025 թվականին ԱՄՆ-ըն հարվածել է հութիներին՝ առևտրային նավերի վրա հարձակվելու համար, և այդ ժամանակից ի վեր նրանք պատասխանատու են գործել, սակայն սաուդական նավերի թիրախավորումը փոխել է իրավիճակը:
«Եթե հութիները կրկին դա անեն, ապա ԱՄՆ-ը պատասխանատվության կենթարկի Իրանին: Եվ, իհարկե, խիստ ռազմական պատիժ կկիրառվի հենց հութիների նկատմամբ»,- հայտարարել է Թրամփը:
ԵՄ-ն նույնպես դատապարտել է Կարմիր ծովում նավթատար լցանավի վրա հարձակումը՝ շեշտելով՝ դա ավելի է սրում տարածաշրջանի առանց այդ էլ անկայուն իրավիճակը:
ԵՄ դիվանագիտության ղեկավար Կայա Կալասը շեշտել է՝ միավորման ռազմածովային առաքելությունը պատրաստ է պաշտպանելու Կարմիր ծովում և շրջակա միջազգային ջրերում նավագնացության ազատությունը:
ՄԱԿ-ի գլխավոր քարտուղարն իր հերթին զզուշացրել է՝ Մերձավոր Արևելքում իրավիճակը դուրս է գալիս վերահսկողությունից:
