ԱՄՆ նախագահը հայտարարել է, որ Հորմուզի նեղուցն ամբողջությամբ բաց է, և վերջին ժամերին այնտեղով ռեկորդային քանակությամբ նավթ է անցել: Դոնալդ Թրամփի խոսքով՝ մյուս ամենալուրջ ձեռքբերումն այն է, որ Իրանը երբեք միջուկային զենք չի ունենա:
Թրամփն անդրադարձել է իրանական ակտիվների ապասառեցմանը, նշել, որ այդ միջոցները կօգտագործվեն ԱՄՆ-ից սնունդ գնելու համար:
«Եթե Թեհրանը չկատարի հուշագրով ստանձնած պարտավորությունները կամ պատշաճ վարքագիծ չդրսևորի, ես կանեմ այն, ինչ պետք է»,- նախազգուշացրել է Սպիտակ տան ղեկավարը:
