ԱՄՆ-ում երդվյալ ատենակալների կարծիքով՝ Meta ընկերությունն օգտագործել է բիզնես վարելու«խիստ անբարեխիղճ» մեթոդներ՝ անարդարացիորեն օգտվելով երեխաների խոցելիությունից և անփորձությունից։ Դատարանը Meta ընկերությանը 375 միլիոն դոլարի տուգանք է նշանակել՝ ընդունելով, որ հարթակը գիտակցաբար վնասել է երեխաների հոգեկան առողջությունը և թաքցրել անչափահասների սեռական շահագործման մասին տեղեկատվությունը:
Երդվյալ ատենակալները նաև հանգել են եզրակացության, որ թույլ են տրվել Նյու Մեքսիկոյի՝ «անբարեխիղճ բիզնես պրակտիկայի» մասին օրենքի հազարավոր խախտումներ, իսկ օրենքը պաշտպանում է սպառողներին անազնիվ բիզնեսից:
Meta-ի խոսնակը Associated Press-ին ասել է, որ ընկերությունը համաձայն չէ դատավճռի հետ և մտադիր է բողոքարկել այն։
