Իրանական հարվածների թիրախում է հայտնվել Սաուդյան Արաբիան: Հաղորդվել է Էր Ռիադում պայթյունների և տուժածների մասին:
Այնտեղ տեղի ունեցած արաբական և իսլամական երկրների արտաքին գործերի նախարարների հանդիպմանը Թագավորության արտաքին գործերի նախարարը հայտարարել է, որ Էր Ռիադի համբերությունն անսպառ չէ:
«Պատրաստ ենք կիրառել տնտեսական, քաղաքական և դիվանագիտական միջոցներ: Հակամարտությանը չմասնակցող հարևան երկրների վրա հարձակումները պետք է դադարեցվեն»,- շեշտել է Ֆեյսալ բին Ֆարհան Ալ Սաուդը:
Նա մեղադրել է Իրանին՝ տարածաշրջանի օբյեկտներին միտումնավոր հարվածելու համար: Սաուդյան Արաբիայում չեն բացառում, որ անհրաժեշտության դեպքում կարող են նաև դիտարկել ռազմական պատասխանի հնարավորությունը:
Այս ֆոնին Էր Ռիադում ԱՄՆ դեսպանությունը կոչ է արել ամերիկացիներին անհապաղ լքել Սաուդյան Արաբիայի տարածքը։
