Պակիստանն անհրաժեշտության դեպքում օգնություն կտրամադրի Սաուդյան Արաբիային՝ հայտարարել է երկրի վարչապետի մամուլի քարտուղարը, քանի որ Իրանը պատասխանում է ԱՄՆ-Իսրայելի հարվածներին՝ թիրախավորելով Պարսից ծոցի երկրները։
Սաուդյան Արաբիան և միջուկային զենք ունեցող Պակիստանը, որը սահմանակից է Իրանին, անցյալ տարվա սեպտեմբերին պաշտպանական համաձայնագիր են ստորագրել՝ ամրապնդելով իրենց վաղեմի գործընկերությունն անվտանգության ոլորտում։ Համաձայնագիրն այժմ փորձության է ենթարկվում Արևմտյան Ասիայում ճգնաժամի սրման ֆոնին։
Չորեքշաբթի Bloomberg TV-ի հետ հարցազրույցում Պակիստանի վարչապետի խոսնակ Մոշարաֆ Զաիդին ասել է. «Կասկած չկա, որ մենք կարող ենք օգնության հասնել Սաուդյան Արաբիային՝ անկախ ամեն ինչից և անկախ ժամանակից»։
«Երկու երկիրն էլ, նույնիսկ մինչև պաշտպանության մասին համաձայնագրի կնքումը, միշտ գործել են փոխօգնության սկզբունքով»,- ասել է խոսնակը:
