Ֆրանսիայի վարչապետ Սեբաստիան Լըկորնյուն Սահմանադրության 49.3-րդ հոդվածը կիրառել է 2026 թվականի բյուջեն հաստատելու համար՝ շրջանցելով հարցի վերաբերյալ խորհրդարանի քվեարկությունը, հայտնել է BFM TV հեռուստաալիքը:
«Ֆրանսիային բյուջե է պետք։ Ուստի ես Սահմանադրության 49.3-րդ հոդվածն օգտագործում եմ 2026 թվականի բյուջեի մասին ամբողջ օրենքը հաստատելու համար»,- հայտարարել է նա Ազգային ժողովում։ Վարչապետի այդ որոշումն առաջացրել է մի շարք քաղաքական ուժերի դժգոհությունը։
Ծայրահեղ ձախակողմյան «Անհնազանդ Ֆրանսիա» կուսակցությունը կառավարությանն անվստահության նոր քվե է նախաձեռնել։ Քվեարկությունը տեղի կունենա երկուշաբթի: Ֆրանսիական ԶԼՄ-ների տվյալներով՝ կառավարությանն անվստահություն հայտնելու առաջարկը հավանաբար կրկին անհրաժեշտ թվով ձայներ չի հավաքի։
Հունվարի սկզբին վարչապետը երկու անգամ օգտագործել է 49.3-րդ հոդվածը՝ 2026 թվականի բյուջեի եկամտային և ծախսային մասերն առանձին հաստատելու համար։ Դրանից հետո անցկացվել է անվստահության չորս քվե: Երկուսը նախաձեռնել է «Անհնազանդ Ֆրանսիան», երկուսը՝ աջակողմյան «Ազգային միավորումը», սակայն այդ նախաձեռնությունները հաջողություն չեն ունեցել։
