Ռուսաստանը դուրս է բերում իր զորքերը Սիրիայի հյուսիս-արևելքում գտնվող Քամիշլիի օդանավակայանից՝ նվազեցնելով իր ներկայությունը այն տարածաշրջանում, որտեղ Դամասկոսի կառավարությունը փորձում է վերահսկողությունը վերցնել քրդական ուժերից, հաղորդել է Reuters-ը երկուշաբթի՝ հունվարի 26-ին, հղում անելով հինգ սիրիական աղբյուրների։
Ռուսական ստորաբաժանումները տեղակայված են Քամիշլիի օդանավակայանում 2019 թվականից։ Դա համեմատաբար փոքր զորախումբ է՝ համեմատած Ռուսաստանի Խմեյմիմ ավիաբազայի և Սիրիայի Միջերկրական ծովի ափին գտնվող ռազմածովային ուժերի նյութատեխնիկական ապահովման կետի հետ, որը, ինչպես սպասվում է, Մոսկվան կպահպանի։
Reuters-ի երկու աղբյուրների համաձայն, ռուսական զորքերը անցյալ շաբաթ սկսել են աստիճանաբար դուրս գալ Քամիշլիի օդանավակայանից։ Ակնկալվում է, որ որոշ ստորաբաժանումներ կվերատեղակայվեն Սիրիայի արևմուտքում գտնվող Խմեյմիմ ավիաբազայում, իսկ մյուսները կվերադառնան Ռուսաստան։
Ռուսաստանի պաշտպանության նախարարությունը դեռևս պաշտոնական մեկնաբանություն չի արել այս հարցի վերաբերյալ։
