Վենեսուելայի առաջատար Foro Penal իրավապաշտպան կազմակերպությունը հայտարարել է, որ շաբաթ օրը ԱՄՆ ճնշման ներքո երկրի բանտերից ազատ է արձակվել առնվազն 80 քաղբանտարկյալ՝ գրում է BBC-ն։
Վենեսուելայի գործող նախագահ Դելսի Ռոդրիգեսը վերջերս հայտարարել էր, որ Վենեսուելայի նախկին առաջնորդ Նիկոլաս Մադուրոյի ձերբակալման գործողությունից հետո ազատ է արձակվել նրա կառավարության կողմից բանտարկված ավելի քան 600 քաղբանտարկյալ։
Foro Penal-ը, սակայն, պնդում է, որ այդ թիվը չափազանցված է։ Նրա տվյալներով՝ հունվարի 8-ից մինչև ներկա պահը, չհաշված վերջին ալիքը, ազատ է արձակվել ընդամենը 156 մարդ։ Նրանց թվում են ներքին ընդդիմության բազմաթիվ ներկայացուցիչներ, ինչպես նաև Իսպանիայի առնվազն հինգ քաղաքացի: Foro Penal-ը, միաժամանակ, ողջունել է նոր իշխանությունների ջանքերը, որոնք կարճ ժամանակահատվածում մի քանի անգամ բանտարկյալների են ազատ արձակել։ Սակայն մարդու իրավունքների պաշտպանները պնդում են, որ ազատ արձակվածներից շատերի դեմ մեղադրանքները պաշտոնապես չեն հանվել։ Դա նրանց թողնում է իրավական վակուումի մեջ և զրկում հրապարակայնորեն արտահայտվելու իրավունքից։
Դելսի Ռոդրիգեսը նշել է, որ երկուշաբթի նախատեսում է հեռախոսազրույց ունենալ ՄԱԿ-ի մարդու իրավունքների գերագույն հանձնակատար Ֆոլկեր Թյուրքի հետ՝ խնդրելու ՄԱԿ-ին ստուգել այդ պահին ազատ արձակվածների ցուցակները:
