Բուլղարիայի նախագահը հրաժարական է ներկայացրել: Այդ մասին նա հայտարարել է ժողովրդին ուղղված ելույթում:
Reuters-ը գրում է, որ Ռումեն Ռադևի հայտարարությունից հետո լուրեր են տարածվել, որ նա մտադիր է ստեղծել սեփական քաղաքական կուսակցությունը և մասնակցել խորհրդարանի արտահերթ ընտրությանը։
Ռումեն Ռադևը Բուլղարիայի նախագահի պաշտոնը զբաղեցնում է 2016 թվականից։ Նա հայտարարել է իր հրաժարականի մասին երկրում քաղաքական ճգնաժամի պայմաններում: Ակնկալվում է, որ Բուլղարիայում կանցկացվի խորհրդարանի արդեն ութերորդ ընտրությունը վերջին 4 տարվա ընթացքում։ Անցած տարի կառավարությունը հրաժարական էր տվել հարկերի բարձրացման ծրագրերի պատճառով բռնկված բողոքի ցույցերի ֆոնին։
