Առաջին մեդալը ապահովված է. 60 կգ քաշային Արթուր Բազեյանը աշխարհի առաջնության կիսաեզրափակչի առաջին ուղեգիրն է ապահովում Հայաստանի համար։ Այս մասին տեղեկացնում են Բռնցքամարտի ֆեդերացիայից:
Մեր մարզիկը շատ վստահ առավելության է հասել Լատվիան ներկայացնող Մաթեուս Պրոկուդինիսի նկատմամբ։
Առաջին երկու ռաունդներում ունենալով նկատելի առավելություն՝ 3-րդ ռաունդում Բազեյանը գործել է հաղթողի դիրքից և գործը հասցրել նպատակին։ Նա իր կարիերայում առաջին անգամ է աշխարհի առաջնության կիսաեզրափակչում։
