Աղմկահարույց կողոպուտից մի քանի շաբաթ անց Լուվրը նոր խնդիրների է բախվել. գրադարանում ջրի արտահոսքը վնասել է 300-400 առարկա, հիմնականում՝ գրքեր։
Թանգարանի փոխտնօրեն Ֆրենսիս Ստեյնբոկը ֆրանսիական լրատվամիջոցներին ասել է, որ արտահոսքը տեղի է ունեցել եգիպտագիտության բաժնում։ Վնասված գրքերի թվում են եղել եգիպտագետների օգտագործած գրքեր, բայց ոչ արժեքավոր հրատարակություններ։ Դրանց թվում են 19-20-րդ դարերի սկզբի գիտական փաստաթղթեր և եգիպտագիտության ամսագրեր։
«Մշակութային ժառանգության ոչ մի կտոր չի վնասվել»,- ասել է նաև AFP-ին ու վստահեցրել, որ գրքերը կչորացվեն, կվերականգնվեն ու կվերադարձվեն իրենց դարակները։
Լուվրում ջրի արտահոսքի պատճառով նոր սկանդալի բացահայտումից հետո մի շարք արհմիություններ Լուվրի աշխատակիցներին գործադուլի կոչ են արել: Բողոքի ակցիան ուղղված կլինի աշխատանքային պայմանների վատթարացման ու անբավարար ֆինանսավորման դեմ:
