ՆԱՏՕ-ի գլխավոր քարտուղարը մեկնաբանել է Կրեմլում Վլադիմիր Պուտինի և ԱՄՆ նախագահի բանագնացների հանդիպումը, նշել, որ այն չափազանց կարևոր է:
Մարկ Ռյուտեն տեղեկացրել է, որ դաշինքը սերտ կապի մեջ է Վաշինգտոնի հետ։
«Կլինեն և այլ քայլեր, բայց ամեն փուլի մասին մեկնաբանություններ չենք անի»,- հավելել է պաշտոնյան՝ ՆԱՏՕ-ի արտգործնախարարների հանդիպմանն ընդառաջ լրագրողների հետ զրույցում։ Ռյուտեն նաև տեղեկացրել է, որ ռուս-ուկրաինական կարգավորման հասնելու ջանքերին զուգահեռ՝ դաշինքը մտադիր է շարունակել զենք գնել Ուկրաինայի համար։
Ռյուտեն մտահոգություն է հայտնել, որ Մոսկվան պատրաստ չէ փոխզիջման գնալ, ուստի հարկավոր է ուժեղացնել Ռուսաստանի վրա ճնշումը և շարունակել պատժամիջոցների քաղաքականությունը:
