Գերմանիայի կանցլեր Ֆրիդրիխ Մերցը հեռախոսազրույց է ունեցել Չինաստանի նախագահ Սի Ծինփինի հետ:
Գերմանիայի կառավարությունից նշել են, որ զրույցի ընթացքում կանցլերը կոչ է արել Չինաստանի նախագահին՝ աջակցել Ուկրաինայում հրադադարի արագ հաստատմանն ուղղված ջանքերին։ Չինաստանի արտգործնախարարության տարածած հայտարարության մեջ նշվում է, որ կողմերը կարծիքներ են փոխանակել ուկրաինական ճգնաժամի վերաբերյալ։
Նախօրեին Ֆրանսիայի նախագահ Էմանուել Մակրոնը Չինաստանի նախագահի հետ զրույցից հետո հայտարարել էր, որ Փարիզը և Պեկինը հավատարիմ են Ուկրաինայում կայուն խաղաղություն հաստատելու ջանքերին: Ավելի վաղ Չինաստանի ԱԳՆ-ն հայտարարել էր, որ Պեկինի դիրքորոշումն Ուկրաինայում տիրող իրավիճակի վերաբերյալ հետևողական է, պարզ ու թափանցիկ։
Նախարար Վան Ին կոչ էր արել միջազգային համաժողով կազմակերպել «բոլոր կողմերի հավասար մասնակցությամբ և խաղաղության բոլոր առաջարկների արդար քննարկմամբ»։
