Աշխարհի բոլոր լիդերները սնվում են, ընդհուպ ձվածեղ են ուտում, կան, որ սեփական ձեռքով սարքում են, կասեք՝ ի՞նչ կարիք կա դա ցույց տալու, դա ընտրության և ճաշակի հարց է: Գուցե դա ցույց տալու նպատակներից մեկն այն է, որ այն, ինչ հիմա հիբրիդային պատերազմների խողովակով փորձ է արվում հերթական անգամ հանրությանը «տոկի տալ», մի քիչ իրականում այնքան էլ այդպես չէ: Կարող է լինել այդպիսի նպատակ, կամ գուցե այն, որ ամենատարբեր հարթակներով փորձ է արվում ներկայացնել, թե վարչապետը և նրա ընտանիքը այլևս դադարել են սովորական սնունդ ընդունելուց և հատուկ տեղերից հատուկ չվերթերով ներկրված սնունդ են ընդունում և այլն: Այդ մասին ասուլիսի ժամանակ ասաց ՀՀ վարչապետ Նիկոլ Փաշինյանը:
«Նախ՝ աշխարհի բոլոր լիդերները հաց ուտում են՝ անկախ նրանից՝ ինչ բարդ իրադրություններ են երկրում»,- նշեց նա:
Չնայած չգիտեմ՝ ճի՞շտ է, որ մանրամասն բացահայտում եմ, բայց եղել է, որ ես օրերով հաց չեմ կերել, շաբաթով հաց չեմ կերել, շատ կոնկրետ պատճառով. օրինակ՝ 2020 թվականի նոյեմբերին եղել է մի շաբաթ, որ ես բացի ջրից ուրիշ ոչ մի բան չեմ ընդունել: 2021 թվականի նոյեմբերին էլ է եղել տենց բան, որ ես ի հիշատակ մեր նահատակների՝ մի շաբաթ բացի ջրից որևէ ուրիշ բան չեմ ընդունել, և ամսաթվերն էլ կարող եմ ասել. 2021 թվականի նոյեմբերի 8-ից յոթ օր հետ գնացեք կամ գուցե նոյեմբերի 9-ից յոթ օր հետ գնացեք»,- ասաց վարչապետը:
Ինչ վերաբերում է «չաքուչին», չագուչով մարդկանց գլուխը պետք է ջարդեի՞, չէ, չէ: Մուրճը շատ ուժեղ և շատ ուղիղ արտահայտվել է գիտեք ինչով, որ ՀՀ-ը էդ մուրճի բերումով այսօր շատ ավելի անկախ և ինքնիշխան երկիր է, քան շատերը պատկերացնում էին և կարող էին պատկերացնել:
Ուշադիր նայեք և գուցե դրա արտահայտությունները կնկատեք: Այդ մուրճը արտահայտվել է ապօրինի գույքի բռնագանձման համակարգով և հանրային ու այլ դեպքերով, ԶՊՄԿ-ով է արտահայտվել, տասնյակ միլիարդավոր դրամների տեսքով է արտահայտվել, և, այո՛, այդ մուրճը ոչ մեկի գլխին չի իջել և չի իջնելու: Մենք չենք ուզում մի կողմից ապօրինի գույքերը վերադարձնել, մյուս կողմից՝ Հայաստանն այսօր համընդհանուր կերպով ընկալվում է որպես ժողովրդավարական պետություն: Եվ դա իրականություն է, այդ թվում՝ այն պատճառով, որ այդ մուրճը քաղաքական սիմվոլ է և ոչ մեկի գլխին չի ջարդվել»,- նշեց Նիկոլ Փաշինյանը:
