Ադրբեջանը նոր սադրանքներ է նախապատրաստում․ Մարուքյան

Ամբողջ հունիս ամսվա ընթացքում Ադրբեջանի պաշտպանության նախարարությունը հանդես է եկել 19 հայտարարությամբ՝ իբրև թե Հայաստանի զինված ուժերի կողմից կրակոցների վերաբերյալ: Ադրբեջանի պաշտպանության նախարարության բոլոր հայտարարությունները սուտ էին և հետապնդում էին մեկ նպատակ՝ տեղեկատվական բազա պատրաստել Հայաստանի ինքնիշխան տարածքի վրա ամենօրյա ագրեսիաների և հարձակումների համար: Նման հայտարարությամբ է հանդես եկել ՀՀ հատուկ հանձնարարություններով դեսպան Էդմոն Մարուքյանը։

«Հունիսի 10-ից հետո այս պահվածքն ու հայտարարություններն ավելի են սաստկացել, ինչը նշանակում է, որ Ադրբեջանը նոր սադրանքներ է նախապատրաստում։ Բնականաբար, Ադրբեջանի նման պահվածքը չի նպաստում շարունակվող խաղաղ բանակցություններին և պետք է ուշադրության արժանանա միջազգային հանրության կողմից՝ սանձելու Ադրբեջանի ծավալապաշտական նկրտումները»,- գրել է Մարուքյանը Twitter-ի իր միկրոբլոգում:

During the entire month of June, the Ministry of Defense of Azerbaijan issued 19 statements, allegedly about shootings by the armed forces of Armenia. All the statements of the Ministry of Defense of Azerbaijan were lies and pursued one goal: to prepare an information base for…
— Edmon Marukyan (@edmarukyan) June 17, 2023

Դիտումների քանակ815