Ռուսաստանը կտրականապես հերքում է Կախովկայի ՀԷԿ-ի պայթեցման հետ կապված մեղադրանքները․ տեղի ունեցածի ողջ պատասխանատվությունը կրում են Ուկրաինայի իշխանությունները։ Այդ մասին հայտարարել է ՌԴ նախագահի մամուլի քարտուղար Դմիտրի Պեսկովը։
Նրա խոսքով՝ ՀԷԿ-ի պայթեցումն ուկրաինական կողմի կանխամտածված դիվերսիա է։
«Այդ դիվերսիան, ըստ ամենայնի, կապված է ուկրաինական զորքերի հարձակման ընթացքում հաջողության բացակայության հետ։ Ուկրաինայի զինված ուժերը չեն հասնում իրենց նպատակներին։ Այդ հարձակողական գործողությունները խեղդվում են», - նշել է Կրեմլի խոսնակը։