Հունաստանում ՀՀ դեսպան Տիգրան Մկրտչյանը հանդիպեց տնտեսական զարգացման և հումանիտար օգնության հարցերով ԱԳՆ գլխավոր քարտուղար Յաննիս Սմիրլիսի և զարգացման համագործակցության ու հումանիտար օգնության հարցերով ԱԳՆ գլխավոր տնօրեն Ալեքսանդրոս Դիակոպուլոսի հետ։
Դեսպանը Հայաստանի անունից շնորհակալություն հայտնեց Հունաստանին «Մոդեռնա» ընկերության 35 հազար դեղաչափ «Սպայկվաքս» պատվաստանյութ փետրվարի 24-ին նվիրաբերելու համար։
Հույն պաշտոնյաների հետ քննարկվեցին հայ-հունական տնտեսական հարաբերություններն առաջ մղելուն ուղղված քայլերը։