Այսօր ունենք քիչ հանդիպող իրավիճակ Մանկավարժական համալսարանում, երբ ղեկավար կազմում կանայք գերակշռում են. ռեկտորի ժամանակավոր պաշտոնակատարն ու երեք պրոռեկտորները կին են։ Այս մասին Ֆեյսբուքի իր էջում գրել է ՀՀ ԿԳՄՍ նախարարի տեղակալ Ժաննա Անդրեասյանը:
«Սա խորհրդանշական է, որովհետև կրթության ոլորտում և մանկավարժության մեջ կանայք կազմում են գերակշիռ մեծամասնություն, և այժմ այդ մեծամասնությունը նաև արտացոլված է կառավարման օղակում, ինչը լուրջ պատասխանատվություն է։ Առաջիկայում Մանկավարժական համալսարանի լուրջ վերափոխման խնդիր ունենք»,- գրել է Անդրեասյանը։
