«Կամավորություն հանուն բնության» կարճաժամկետ կամավորական նախագծի շրջանակներում «Արևիք» ազգային պարկում գծագրվում և հետազոտվում են քայլարշավային արահետները, հայտնում են ՀՀ շրջակա միջավայրի նախարարությունից:
Շրջակա միջավայրի նախարարություն և «Կենսաբանների հայկական միություն» ՀԿ-ի «Կամավորություն հանուն բնության» ծրագրի շրջանակում, փորձառու ուղեկցորդ և էկոտուրիզմի նվիրյալ Տիգրան Աբգարյանը կամավորական նախաձեռնությամբ իրականացնում է «Զանգեզուր» կենսոլորտային համալիր ՊՈԱԿ-ի «Արևիք» ազգային պարկի տարածքում մի շարք քայլարշավային արահետների վիճակի գնահատման և ուսումնասիրման, նոր երթուղիների գծագրման (Wikiloc և ViewRanger հավելվածներով) և արահետների բացահայտման աշխատանքներ:
