Պատերազմից մեկ տարի անց՝ այս տարվա սեպտեմբերին, Նյու Յորքում հանդիպեցին Հայաստանի ու Ադրբեջանի արտաքին գործերի նախարարները: Ինչո՞վ էր կարևոր այս հանդիպումը:
Նախ՝ բանակցությունները միշտ գերադասելի են զինված բախումներից, ու հատկապես հաշվի առնելով փաստը, որ Ադրբեջանը մայիսից ներխուժել է ՀՀ տարածք, արդեն մեկ տարի է՝ անօրինական պահում է բազմաթիվ գերիների, այսինքն՝ խոսելու թեմաներ արտգործնախարարները շատ ունեն:
Հաջորդ կարևոր փաստը՝ հանդիպումը կայացել է ԵԱՀԿ ՄԽ համանախագահների հովանու ներքո: Ստացվում է՝ ինչքան էլ Բաքուն պնդի, թե ԼՂ հարցը լուծված է, ընդունում է, որ դեռ պարզելու հարցեր կան ու դա հնարավոր է անել համանախագահության շրջանակում:
Արարատ Միրզոյանն ու Ջեյհուն Բայրամովը հնարավոր է՝ կրկին հանդիպեն: Երևանը կողմ է, երկխոսելու օգտակարության մասին է հայտարարում նաև Ադրբեջանի ԱԳՆ-ը:
Ինչ հարցեր պետք է բարձրացնի Երևանը հնարավոր հանդիպումների ժամանակ՝ Նորայր Շողիկյանի ռեպորտաժը:
