Եվրոպական մի շարք երկրների կանանց ասոցիացիաները պահանջել են Եվրոպայի խորհրդի նախագահ Շառլ Միշելի հրաժարականը՝ կապված Անկարայի «արարողակարգային միջադեպի» հետ, հայտնում է Anadolu գործակալությունը:
Ըստ բելգիական լրատվամիջոցների՝ այդ կազմակերպությունները Միշելին մեղադրել են Անկարայում Թուրքիայի նախագահ Էրդողանի հետ հանդիպման ժամանակ Եվրահանձնաժողովի նախագահ Ուրսուլա ֆոն դեր Լեյենին «նվաստացնելու» համար:
Նշվում է, որ խնդրագիրը կարճ ժամանակում մեծ թվով աջակիցներ է ձեռք բերել: Այն արդեն ստորագրել է մոտ 3000 մարդ Բելգիայից, Ֆրանսիայից, Իտալիայից, ինչպես նաև Եվրամիության անդամ չհանդիսացող մի շարք երկրներից:
Ասոցիացիաները կարծում են, որ Միշելը «լուրջ սխալ է թույլ տվել»՝ ի դեմս Ուրսուլա ֆոն դեր Լեյենի վիրավորելով բոլոր կանանց: