Այսօր Ազգային ժողովում տեղի ունեցավ Անվտանգության ոլորտի ժողովրդավարական ազգային հարթակի փակ նիստ։ Նիստի ընթացքում քննարկվեցին 2020 թ․ նոյեմբերի 9-10-ին ՀՀ Ազգային ժողովի և Կառավարության շենքերում, ՀՀ վարչապետի կեցավայրում տեղի ունեցած վայրագությունները, ինչպես նաև Ազգային ժողովի նախագահի նկատմամբ կատարված մահափորձի վերաբերյալ հարցերը։
Քննարկմանը մասնակցում էին ինչպես Ազգային ժողովի պատգամավորներ, այնպես էլ ներկայացուցիչներ ՀՀ ոստիկանությունից, ԱԱԾ-ից և քաղաքացիական հասարակությունից։
ԱԱԾ և ոստիկանության ներկայացուցիչները հանդես եկան զեկույցներով և մանրամասներ հայտնեցին վերոնշյալ գործերի շրջանակներում։
Հասարակական կազմակերպությունների անդամները հարցեր ուղղեցին զեկուցողներին։ Հանդիպման ավարտին կողմերը համաձայնեցին բացառապես օրենքի շրջանակներում հնարավորինս խթանել ուժային կառույցների ներգրավվածությունը՝ 2021 թ․ արտահերթ խորհրդարանական ընտրությունների անփախան ընթացքը ապահովելու նպատակով։
