Կառավարության որոշմամբ «Յունիվերսալ քլոզրս» ՓԲԸ կօգտվի գերակա ոլորտում իրականացվող ներդրումային ծրագրի շրջանակում ներմուծման մաքսատուրքից ազատելու արտոնությունից: Ընկերությունը ներմուծվող հումքը նախատեսում է օգտագործել ալյումինե կափարիչների արտադրության համար՝ իրականացնելով ընդհանուր շուրջ 2․6 մլրդ դրամի ներդրում։ Ներկայումս առկա է 30 աշխատատեղ՝ 500 հազար դրամ միջին ամսական աշխատավարձով։
Այս մասին հայտնում են Կառավարությունից։
Ներդրումային ծրագրի շրջանակներում, մինչև 2027 թ. ընկած ժամանակահատվածում, նախատեսվում է աշխատատեղերի թիվը հասցնել մինչև 40-ի՝ 667 հազար դրամ միջին ամսական աշխատավարձով։ Արտոնություն ստանալու համար ներկայացված ապրանքների արժեքը կազմում է 2․6 մլրդ դրամ:
Մաքսատուրքից ազատման արտոնությունը գնահատվում է 133․3 մլն դրամ։
